Hoe gemaak met ‘n groot tros

April 6th, 2016 § 2 comments

Danksy Herman Lensing weet ek ook nou. Ten spyte van die erge droogte, hang die laaste trosse van die oes swaarder as ooit tevore. Wyndruiwe is klein met dik doppe en ouskool pitte, maar word soeter gepluk as tafeldruiwe. So toe ek vandag verby die laaste kratte van hierdie oesjaar stap, gryp ek ‘n paar trosse Cabernet Sauvignon* om Herman se plat druifbrood van ‘n onlangse Inspirasiekos met Sarie-program na te maak.

Screen Shot 2016-04-06 at 21.44.46

Makliker kan dit nie. ‘n Sakkie klaargemaakte deeg by jou plaaslike supermark se bakkery en die res is at your own discretion. Herman se weergawe het bloukaas, heuning, sout, peper en uitvoergehalte pitlose druiwe bevat. Ek het sy raad gevolg en ‘n bakplaat vrot van die olyfolie gegooi, die deeg dun uitgerek en toe met vingerpunte vol dimpels gedruk. My topping het bestaan uit:

Saggebraaide rooi uieringe, sagte bloukaas, ‘n handvol lekker soet Cabernet Sauvignon druiwe (suikervlak van 25 balling vs. 17 van die tafeldruiwe), ‘n paar druppels esdoringstroop, sout, peper en ‘n strooisel superfyn gekerfde jalapeño rissie. En natuurlik ‘n paar klakse olyfolie bo-oor. Halfuur in die oond teen omtrent 230 grade. Inspirasie voorwaar.

Klein en crunchy maar bitter lekker.

Dankie aan die wynmaker in Banghoek vir die groot tros

 

Dit help om so nou en dan TV te kyk. As ek nie hierdie episode van Inspirasiekos met Sarie raakgekyk het nie, sou ek nog minstens twee jaar moes wag om hierdie heerlike druiwe in bottelvorm te geniet.

 

Tagged , , , , ,

§ 2 Responses to Hoe gemaak met ‘n groot tros"

Leave a Reply

Your email address will not be published. Required fields are marked *

What's this?

You are currently reading Hoe gemaak met ‘n groot tros at Kitchen Vixen.

meta